आज यी प्रदेशमा ठूलो वर्षाको सम्भावना, यी नदी तथा खोलामा छ बाढीको जोखिम

काठमाडौं, २५ श्रावण । जल तथा मौसम विज्ञान विभागअन्तर्गतको मौसम पूर्वानुमान महाशाखाले आज ९सोमबार० बिहान ८ बजे जनाएअनुसार हाल देशभर साधारणतया बादल लागेको छ। बागमती, गण्डकी, लुम्बिनी र सुदूरपश्चिम प्रदेशका केही स्थानमा तथा कोसी मधेस र कर्णाली प्रदेशको थोरै स्थानमा हल्का देखि मध्यम वर्षा भइरहेको छ। मौसम महाशाखाले जारी गरेको बिहानी बुलेटिनअनुसार दिउँसो देशभर साधारणतया बादल लाग्नेछ। हिमाली भूभागका केही स्थानमा मेघगर्जनरचट्याङसहित मध्यमसम्म वर्षारहिमपातको सम्भावना छ। हाडी भूभागका धेरै स्थानमा मध्यमसम्म वर्षाको सम्भावना छ। कोसी, लुम्बिनी र सुदूरपश्चिम प्रदेशका तराई भूभागका केही तथा मधेस प्रदेश, बागमती र गण्डकी प्रदेशका तराई भूभागका थोरै स्थानमा मेघगर्जनरचट्याङसहित मध्यमसम्म वर्षाको सम्भावना छ। कोसी, बागमती र गण्डकी प्रदेशका हिमाली र पहाडी भूभाग, कर्णाली र सुदूरपश्चिम प्रदेशका पहाडी भूभाग साथै लुम्बिनी प्रदेशको पहाडी र तराई भूभागका एक दुई स्थानमा भारी वर्षाको सम्भावना छ। यस्तै आज राति पनि देशभर साधारणतया बादल लाग्नेछ। देशको हिमाली भूभागका केही स्थानमा मेघगर्जनरचट्याङसहित मध्यमसम्म वर्षारहिमपातको सम्भावना छ। पहाडी भूभागका साथै बागमती, गण्डकी, लुम्बिनी र सुदूरपश्चिम प्रदेशका तराई भूभागका धेरै स्थानमा मेघगर्जनरचट्याङसहित मध्यमसम्म वर्षाको सम्भावना छ। मधेस प्रदेश र कोसी प्रदेशका तराई भूभागका थोरै स्थानमा मध्यमसम्म वर्षाको सम्भावना छ। कोसी, बागमती र गण्डकी प्रदेशका हिमाली र पहाडी भूभागका एक दुई स्थानमा, कर्णाली प्रदेशका हिमाली र पहाडी भूभाग साथै लुम्बिनी र सुदूरपश्चिम प्रदेशका पहाडी र तराई भूभागका थोरै स्थानमा भारी वर्षा तथा एक दुई स्थानमा धेरै भारी वर्षाको सम्भावना छ।

आज यी नदी तथा खोलामा छ बाढीको जोखिम

 

जल तथा मौसम विज्ञान विभागअन्तर्गतको बाढी पूर्वानुमान महाशाखाले आज कोसी प्रदेशका केही नदीमा बाढीको जोखिम देखिएको छ। महाशाखाले सोमबार बिहान जारी गरेको बुलेटिनअनुसार देशका प्रमुख नदीहरूको बहाव भने हाल सतर्कता तहभन्दा तलै छ। आज कोशी, नारायणी, बागमती, कर्णाली र महाकाली नदीमा बाढीको खतरा छैन। यस्तै, यिनका सहायक नदीहरूका साथै कन्काई, कमला, बबई, पूर्वी राप्ती र पश्चिम राप्ती नदीको बहाव पनि सामान्य अवस्थामै रहेको महाशाखाले जनाएको छ। ठूला नदीमा ठूलो बाढीखो खतरा नभए पनि झापा, मोरङ, इलाम, पाँचथर, तेह्रथुम, धनकुटा, भोजपुर, ताप्लेजुङ, सङ्खुवासभा लगायत पूर्वका केही जिल्लाका साना नदीहरूमा भने आज बाढीको जोखिम देखिन्छ। त्यसैगरी आज सिन्धुपाल्चोक, काठमाडौँ, भक्तपुर, ललितपुर, काभ्रेपलाञ्चोक, मकवानपुर, गोरखा, लमजुङ, कास्की, तनहुँ, स्याङ्जा, पर्वत, बाग्लुङ र म्याग्दी भई बहने खोलाहरूमा पनि बहाव उल्लेख्य बढ्ने सम्भावना रहेको महाशाखाले जनाएको छ। यसैगरी गुल्मी, अर्घाखाँची, प्युठान, रुकुम पूर्व, रुकुम पश्चिम, रोल्पा, जाजरकोट, सल्यान, दैलेख, सुर्खेत, बर्दिया, कैलाली, बझाङ, दार्चुला र बैतडीका साना नदीहरूमा आकस्मिक बाढीको मध्यम जोखिम छ। महाशाखाका अनुसार यी ३९ जिल्ला र आसपासका क्षेत्रमा बहने साना नदीहरूमा भने आज पनि जलस्तर एक्कासि बढ्न सक्ने छ। महाशाखाले बाढीबाट हुनसक्ने जनधनको नोक्सानीप्रति सचेत रहन पनि आग्रह गरेको छ। सडकमा खसेको लेदोसहितको पहिरो हटाएपछि बीपी राजमार्गमा गाडी चल्न थालेका छन्। जिल्ला प्रहरी कार्यालय काभ्रेका अनुसार गएराति सडक माथिबाट खसेको लेदोसहितको पहिरो हटाएपछि यो सडकमा सोमबार बिहान ८ बजेदेखि दुईतर्फी नै यातायात सुचारु भएको हो। वर्षासँगै बीपी राजमार्गअन्तर्गत पर्ने काभ्रेको रोशी गाउँपालिका–९ को पिन्थली र नार्केमा लेदोसहितको पहिरो खसेको थियो। सो पहिरो र लेदोले बीपी राजमार्गमा यातायात पूर्ण रूपमा अवरुद्ध भएको थियो।