NOTIFICATIONS
हाम्रो पेज
नेपाली प्रतिनिधिले जानकारी दिएअनुसार, प्रधानमन्त्रीले यो विषयलाई वान टु वान भेटमा मात्र नभई प्रतिनिधिमण्डलसहितको भेटवार्तामा बलियो अडानका साथ उठाउनुभएको थियो। उहाँले नेपाललाई जानकारी नदिई र सहमति नलिई दुई देशले व्यापार नाका खोल्नेगरी भएको सम्झौताप्रति स्पष्ट शब्दमा आपत्ति जनाउनुभयो। प्रधानमन्त्री ओलीले नेपालको संवेदनशीलता बुझेर चीनले यस विषयमा सघाउने अपेक्षा समेत व्यक्त गर्नुभएको थियो। चिनियाँ राष्ट्रपतिले नेपालको दाबीमा कुनै पनि प्रकारको कमी नहुने र परम्परागत रूपमा प्रयोग हुँदै आएको विषयमा नेपालको दाबीमा कुनै सम्झौता वा दाबी नहुने भन्ने शान्त कूटनीतिक शैलीमा प्रतिक्रिया दिनुभएको थियो। प्रधानमन्त्री ओलीले चीनको थियानजिनस्थित चाउ इन्लाई र तेङ यिङ्चाओ स्मृति संग्रहालयको अवलोकन गर्नुका साथै जिनान जिल्लाको सिआओझानस्थित धान उत्पादन विशेष क्षेत्रको भ्रमण गर्नुभएको थियो। परराष्ट्र सचिव अमृतबहादुर राईलाई उद्धृत गर्दै प्रधानमन्त्रीको सचिवालयले जारी गरेको प्रेस नोटमा चीनका राष्ट्रपति सी चिनफिङसँग सौहार्दपूर्ण र द्विपक्षीय भेटका अवसरमा दुई देशबीचको मित्रवत सम्बन्ध र सहकार्यका विविध क्षेत्रमा कुराकानी भई सम्बन्ध र सहकार्य अभिवृद्धि गर्न दुवै देशका संयन्त्र अग्रसर हुने समझदारी भएको उल्लेख छ। साथै, लिपुलेक मुद्दामा नेपालको अडानबारे पनि स्पष्ट पारिएको छ।
