कोशीमा मौसमी कहर, ४५ जनाको मृत्यु,२७ हजार विस्थापित

विराटनगर, २० आश्विन । मौसम पूर्वानुमान महाशाखाले जनाएको छ । महाशाखका अनुसार आज पनि कोशी, बागमती, लुिम्बनी, कर्णाली र सुदूरपश्चिम प्रदेशका थोरै तथा बाँकी प्रदेशका पहाडी तथा तराई भूभागका केही ठाउँमा मेघगर्जन र चट्याङसहित मध्यम वर्षा भइरहेको छ । आज राति कर्णाली र सुदूरपश्चिम प्रदेशका पहाडी र तराईका भू–भागका थोरै ठाउँहरुमा मेघगर्जन÷चट्याङ सहित मध्यम वर्षाको सम्भावना रहेको छ । काठमाण्डौ उपत्यकासहितका केही ठाउँमा भने बिहानैदेखि घाम लागेको छ । पछिल्ला दिनमा वर्षा गराएको प्रणाली बाहिरिए पनि मनसुन बाहिरिएको छैन् । नेपाल प्रहरीले दिएको पछिल्लो विवरण अनुसार, देशभर ज्यान गुमाउनेको संख्या ५३ पुगेको हो । जसमध्ये सबैभन्दा कोशी प्रदेशका जिल्लाहरूमा ज्यान गुमाउनेको संख्या धेरै छ । कोशीमा मात्रै ४५ जनाको ज्यान गएको हो । इलाममै ३७ जनाले ज्यान गुमाएका छन् । कोशी प्रदेशमा हालै आएको बाढी र पहिरोले ठूलो मानवीय क्षति र विस्थापन गराएको छ। शनिबार साँझदेखि आएको यस विपत्तिमा परी हालसम्म ४५ जनाले ज्यान गुमाएका छन्।
इलामः सबैभन्दा बढी ३७ जनाको मृत्यु भएको छ, जसमा १७ पुरुष र २० महिला छन्।
सूर्योदय नगरपालिका १, मानेभञ्ज्याङ ५ जना
इलाम नगरपालिका ६, घोस ६ जना
देउमाई नगरपालिका ८ जना
माइजोगमाई गाउँपालिका ८ जना
सन्दकपुर गाउँपालिका ७ जना
माङ्सेबुङ गाउँपालिका ३ जना
फाकफोकथुम गाउँपालिका १ जना
पाँचथरमा २ जनाको मृत्यु भएको छ।
तुम्बेवा गाउँपालिका ४, ओलनेकी ७९ वर्षीया कान्छीमाया शेर्मा पहिरोले पुरेर।
फाल्गुनन्द गाउँपालिका ३ का १७ वर्षीय मिसेक नेम्वाङ ९निबु खोलाले बगाएर।
उदयपुर २ जनाको मृत्यु भएको छ। बेलका ४ मा मदन भण्डारी राजमार्गको गाईघाट चतरा खण्डमा खोलाको कजवे तर्ने क्रममा। एक जनाको नाम खुलेको छैन।झापामा २ जनाको मृत्यु भएको छ। कनकाई नगरपालिका ४, कोटीहोममा माई खोलाको बीच भागमा एक शव फेला परेको, पहिचान हुन सकेको छैन। बाह्रदशी गाउँपालिका४, मुन्सी कामत टोलका ६२ वर्षीय मंगलसिं मुर्मुको खोला तर्ने क्रममा बगाएर मृत्यु भएकोछ । मोरङमा १ जनाको मृत्यु भएको छ। विराटनगर महानगरपालिका १६, सुगर मिल नजिकैको कलभर्ट छेउको खाल्डोमा पानीको भेलले बगाउँदा भारत घर भई सोही स्थानमा डेरा गरी बस्ने ३५ वर्षीया अनिता राउत रहेकी छन् । खोटाङमा १ जनाको मृत्यु भएको छ। दिक्तेल रुपाकोट मझुवागढी नगरपालिका(१५, विजयखर्कका २१ वर्षीय सुमन विश्वकर्मा रावा बेसी गाउँपालिकास्थित हौँचुर खोलाले बगाएर मृत्यु भएको हो ।

घाइते तथा विस्थापितको अवस्था 
पाँचथरमा तीन जना घाइते भएका छन् । मिक्लाजुङ ३ सोलुम्बाकी ३७ वर्षीया मनमाया कार्की, फाल्गुनन्द५ जौवारीका ६६ वर्षीय धनबहादुर चेम्जोङ र फाल्गुनन्द(१ आलुवारीकी ७२ वर्षीया सुकमाया आङदेम्बे। कोशी प्रदेशभरि बाढी र पहिरोका कारण २६,९८४ जना विस्थापित भएका छन् भने ५,९२५ घर प्रभावित भएका छन्। विस्थापितहरूलाई विद्यालय तथा सार्वजनिक भवनहरूमा राखिएको छ भने केही आफन्त तथा छिमेकीको शरणमा छन्। हालसम्म ५३२ जनाको सकुशल उद्धार गरिएको छ। १६ वटा घर पूर्ण रूपमा क्षतिग्रस्त भएका छन्, जसमध्ये इलाममा १४ र पाँचथरमा २ घर छन्। मोरङमा २५१ परिवारका १,०२० जना प्रभावित भएका छन्, जसमध्ये १७६ परिवार विस्थापित भएका छन्। केशलीया, सिंघिया, बक्राहा र रतुवा खोलामा आएको बाढीले सुन्दरहरैँचा नगरपालिका, विराटनगरका विभिन्न वडाका घरहरू डुबानमा परेका छन्। झापामा ५,००० भन्दा बढी घर डुबानमा परेका छन् र २५,००० भन्दा बढी मानिस विस्थापित भएका छन्। झापा गाउँपालिका पूर्ण रूपमा जलमग्न भएको छ। शिवसताक्षी, गौरीगन्ज, गौरादह, अर्जुनधारा र भद्रपुर पनि प्रभावित छन्। सुनसरीमा सुनसरी खोलाको बाढीले इनरुवा नगरपालिकाका विभिन्न वडा र भोक्राहा नरसिंह गाउँपालिकाका बस्तीहरू जलमग्न भएका छन्।
सडक तथा यातायातको अवस्था
मेची राजमार्गमा इलामका विभिन्न ठाउँमा पहिरो खस्दा पूर्ण रूपमा अवरुद्ध भएको छ। पहिरो हटाउने कार्य भइरहेको छ। राज दुवाली, गोदक माई खोला सडक खण्ड, चुरे घाँटी, पुवाखोला लगायतका स्थानमा सडक अवरुद्ध छ। पुवा खोलाको बेली ब्रिज, माई खोलाको बेलासे पुल, जोगमाई खोलामाथिको बेली ब्रिज र देउमाई खोलाको गजुरमुखी पुलमा क्षति पुगेको छ। कोशी राजमार्गमा धरान र लेउतीमा खसेको पहिरो हटाई सुचारु गरिएको छ। पूर्व पश्चिम राजमार्गमा झापामा बाढीले ड्राइभर्सन बगाए पनि वैकल्पिक बाटोबाट सवारी साधन सञ्चालनमा ल्याइएको छ। तमोर कोरिडोर आंशिक रूपमा सञ्चालनमा आएको छ।

बाढीपहिरोका कारण देशभरका १८ राजमार्गमा यातायात सेवा पूर्ण रूपमा अवरुद्ध

प्रहरी प्रधान कार्यालयका अनुसार सङ्खुवासभाको भोटखोला गाउँपालिका–४ स्थित कोशी राजमार्ग, मकालु गाउँपालिका–३ स्थित कोशी राजमार्ग पूर्ण रूपमा अवरुद्ध भएको छ।यसैगरी, ओखलढुङ्गाको मानेभञ्याङ गाउँपालिका–६ र ७ जोड्ने सिद्धिचरण लोकमार्ग, उदयपुरको कटारी नगरपालिका–१४ दलदलेमा रहेको सिद्धिचरण राजमार्ग पूर्ण रूपमा अवरुद्ध भएको छ । यस्तै, धनकुटाको पाख्रिबास नगरपालिका–५ ढिकुरेस्थित मध्यपहाडी लोकमार्ग, धनकुटाकै साँगुरीगढी गाउँपालिका–१ स्थित कोशी लोकमार्ग, इलामको इलाम नगरपालिका–९ राजदुवालीलगायत मेची राजमार्गका विभिन्न स्थान अवरुद्ध भएका छन्। यसैगरी, रसुवाको गोसाइँकुण्ड गाउँपालिका–२ स्थित नेपाल चीन मितेरी पुल, सोही गाउँपालिका–५ स्याप्रुबेँसीलगायतका चार स्थानमा पूर्ण रूपमा बाटो अवरुद्ध भएको प्रहरीले जनाएको छ। सिन्धुपाल्चोकको भोटेकोशी गाउँपालिका–४ चारकिलोस्थित अरनिको राजमार्ग, काभ्रेपलाञ्चोकको रोशी गाउँपालिका–११ माम्तीखोलास्थित बिपी राजमार्ग पूर्ण रूपमा अवरुद्ध भएको छ। वर्षाका कारण आएको बाढीपहिरोबाट मकवानपुरको बकैया गाउँपालिका– ११ घट्टेखोलास्थित कान्ति लोकपथ, मकवानपुरकै भीमफेदी गाउँपालिका–८ स्थित कान्ति लोकपथ, मकवानपुरकै इन्द्रसरोवर गाउँपालिका–३ स्थित कुलेखानी दक्षिणकाली सडक पूर्ण रूपमा अवरुद्ध भएको छ।  यसैगरी, सिन्धुलीको फिक्कल गाउँपालिका–६ नागस्थानस्थित मध्यपहाडी लोकमार्ग र सिन्धुलीकै सुनकोशी गाउँपालिका–१ नेपालथोकस्थित बिपी राजमार्गसमेत अवरुद्ध भएको प्रहरीले जनाएको छ।